அதர்மச் சிந்தனைகள் அறவே மறையட்டும் !
        ஆன்மீகச் சிந்தனைகள் எங்கும் மலரட்டும் !
        இனிய சகோதரத்துவம் எல்லோரிடத்தும் பரவட்டும் !
        ஈரேழு உலகத்தும் அமைதி ஆட்சி புரியட்டும் !  !
        உலகம் முழுவதும் உண்மை அன்பு தொடங்கட்டும் !

        ஊர் முதல் உலகம் முழுவதும் நற்பண்பு குடியேறட்டும் !

        எல்லோரிடத்தும் இனிய சிந்தனைகள் பிறக்கட்டும் !
        ஏமாற்றம் மறைந்து ஏற்றம் மிக்க வாழ்க்கை வளரட்டும் !
        ஐயமேயின்றி , அனைத்து நாடுகளும் அமைதி விதைக்கட்டும் !
        ஒற்றுமை உணர்வு அனைத்து மக்களிடமும் மலரட்டும் !
        ஓரிடத்தும் அதர்மம் ஒளிய இடமின்றிப் போகட்டும் !
        "ஔடதம் ,அன்பு ஒன்றே..."-ஆதலின் ,அவ்வன்பு பரவட்டும் !
         அஹ்தொன்றையே,அனைத்து மதக் குருக்களும் போதிக்கட்டும் !