Munnirpallam gramam

                                                                           முன்னீர்பள்ளம்.
முன்னீர்பள்ளம் ஒரு சிறிய கிராமம். திருநெல்வேலி ஜங்க்ஷனிலி ருந்து 5 அல்லது 6 கிலோ 
மீட்டர் தொலைவில் உள்ளது . இரண்டே தெருக்கள் கொண்ட சிறிய கிராமம்.
பெருமாள் கோவில் ஒன்றும் ,சிவன் கோவில் ஒன்றும் உண்டு. நான் சிறுவனாக 
இருந்த பொழுது , விடுமுறைக்கு , திருநெல்வேலியி லிருந்து குதிரை வண்டியில் 
போவேன் . அப்போது  மின்வசதி இல்லா கிராமமாக இருந்தது. சாயங்காலம் , தெருவில் 
உள்ள கல் தூணில் ,மேலே மாட்டியிருக்கும் மண்ணெண்ணெய் விளக்கை  ஏற்றி விட்டுப் 
போவார்கள். அந்தி சாயும் வேளையில் ,வீட்டிற்குப் பின்னால் உள்ள கன்னடியன் வாய்க்கால் 
படித்துறையில் ,என் வயது சிறுவர்கள் வட்டமாக உட்கார்ந்து கொள்ளவோம். நடுவில் என் 
பாட்டி அமர்ந்திருப்பாள். பெரிய பாத்திரத்தில் , நன்றாகப் பிசைந்த தயிர் சாதத்தை ,ஒவ்வொரு 
உருண்டையாக உருட்டி ,ஒவ்வொருவர் உள்ளங்கையிலும் வைப்பார்கள் . கூடவே ஒரு 
ஊறுகாயும் இருக்கும். பாட்டி சொல்லும்  நீதிக் கதைகளை , ,ம் ...ம் '  என்று கேட்டுக்கொண்டே 
சாத  உருண்டைகளை உள்ளே தள்ளுவோம்.  அரை மணிக்குள் அண்டா சாதம் காலி. பின் ,
வாய்க்காலில் கை கழுவி விட்டு , அவரவர் வீட்டிற்குப் போவோம் . பகல் முழுவதும் , 
கிளித்தட்டு , கிட்டிப்புள் , கோலி , கொக்கோ ,கண் ணாம் பூச்சி , பம்பரம் போன்ற விளையாட்டு .
சிறுமிகள்  பாண்டி, அம்மானை ,கோலாட்டம் போன்ற விளையாட்டு விளையாடுவார்கள்.
இப்படியே , விடுமுறை முழுவதும் கழிந்து விடும் . அவரவர் ஊர்களுக்கு , கண்ணீரோடு 
விடை பெற்றுச் செல்வோம். மீண்டும் விடுமுறை .....மீண்டும்   சந்திப்பு ....! பொன்னான ,
மறக்கவே முடியாத , ஆழ் மனதில் பதிந்து விட்ட அந்த நாட்களை ,இன்றும் அசைபோடும் 
சமயம் , நம்மையறியாது ,கண்களில் ஒருவிதமான சோகம் கலந்த ஆனந்தக் கண்ணீர் பெருகி ,
கன்னத்தில் வழிந்தோடுகிறதே , அக்கண்ணீ ரை  துடைக்கக் கூட , கைகள் மறுக்கின்றதே ....!
அதுதான்யா , பேரின்பம் .
    இன்றைய  இளந்தலை முறை சிறுவர் /சிறுமியருக்கு இம்மாதிரி ஒரு இனிய அனுபவம் 
கிடைக்குமா?